قصيدهـ سياسيه موجههـ للشيخ أحمد الفهد ... :)

قصيدة سياسيه من شاعر المليون ناصر بن ثويني

موجهه الى الشيخ أحمد الفهد ويتطرق فيها إلى الشؤون السياسية المحلية والوضع السياسي والإجتماعي والإقتصادي في البلد ...

بوح بدوي << والشاطر يفهم المغزى

ابو الفهود ابوك يا سبة القاف
شيخٍ حمل هم أمته مع همومه
شريف عاش ومات وثيابه انظآف
فعله جمر والعود الازرق علومه

وانته ورثت من الفهد عذب الأوصاف
وصايفٍ في الآخرين معدومة
تجمع شرايح شعب وتلملم اطراف
وتفزع لا من شفت الحقوق مهضومة
يا شيوخنا حنا لكم ستر ولحاف
الصف واحد والبلاد محكومة
فدا لبو ناصر ونايبه نواف
وحبٍ لك ولبوك وابنا العمومة
نحبكم ونشيلكم فوق الاكتاف
ولا ندور من وراها دسومه
شيخٍ مواجيبه مع الناس تنشاف
وشيخٍ عسى الله يستره في هدومه
يا بوفهد صيف الجشع لاهبه جاف
يلفح على وجيه الفقارى سمومه
يعني على حسب الشرايع والأعراف
إذا أفطر المحموم لحد ٍ يلومه
نأنس براي المالكية والأحناف
ونجزم ببن حنبل ونلزم لزومه
ولائنا ماهوب عرضة للأتلاف
يموت سوام الذمم ما يسومه
واحسابنا ما تقسم ارباع وانصاف
واعراضنا عن كل رجس محشومة
قد قيل في الماضي ترى الذيب لا خاف
أفضل وسيلة من دفاعه هجومة
استوثقت كفك وعديت مشراف
وفيك المواطن علق امال يومه
مواطن قضى حياته بالأسلاف
وشيب وهو ينطر بيوت الحكومة
حتى لو أنه شاف في الوقت ما عاف
يبقى الولى لأرضه وأميره وقومه
دبل اجهود التنمية خمسة أضعاف
تلقى القضايا في شهور محسومة
رسالتي تحتاج مجهر وكشاف
بوح بدوي بأزكى السلام مختومة

فهمتهااا

بس انا اقووول ما في خط اكبر من جذي ...؟؟؟!!!!!!!!!!

ذكيــهـ أسم الله

ليش اشفيهـ الخط ..؟!

ماا فيه شي

بس وااايد كبييييير

لاهنتى وصح لسانج ومن قالها

حياج الله