اللي يبي فرقاي يبشر بفرقاي

تبـي تـروح الحيـن ياصاحـبـي روح
العفـو عنـد المقـدره و انت خطاي



فتحـت لـك" بـابن مسكـر ومفـتـوح"..!!
تـوه جديد..وجيـت يمًـه مـن أقـصـاي!!



مالي على طـرد المقفيـن مصلـوح
واللي يبي فرقـاي يبشـر بفرقـاي




مليـت صدقنـي و أنا اقـول مسمـوح!!
وتعبت أراضـي ناس وأزعًـل أرضـاي!!




القلب"طيـب " والـبـلا "طيـبـة الــروح"
والناس من كثر الخطـا مالهـم رأي !!



عالجت جرح قلوب والقلـب مجـروح
ومسحت دمع عيون وانهكني ابكاي




وسريت في صمت الشقى لجل ما أبوح !!
واخفيت عـن رجلي شقـى ليل مسرااي




وافـوح ودلالـي عـلـى النار وتـفـوح!!
وأكرم بها "من قبل خلاني أعداي!! "





واليوم بوحي نوح فـي صوت مبحوح !
ابكيت به سامع **وحزنت به ناي**




والحين.أدور للقسى قلب مذبوح!!
ابستريح من التعب واقصر اخطاي!!





مالي على طرد المقفين مصلوح
واللي يبي فرقاي يبشر بفرقاي