لـــــــيـهــ الأعـــتــذآر ؟؟؟

ليه الإعتذآر ...~

إليكمـ
أروع ما قرأت للشاعرالشاب : عبدالله الظفيري ..~

,,

يآ غشيمه ليـه تبديــن الآسـف و الإعتـذار ؟
أصلاً احنــآ منتهين ان كــآن هـذا يجهلـك !!

ثــم أنـآ مــآ ودي أفتـح بيننـا بــآب الحـوآر
بس أنـآ عـآرف فضولكـ.. بالنهايـة يقتلـكـ !!

تسأليني من معي بعدكـ خذت فكري وصـار..
يحتفل فيها قصيـدي.. وعلّمَتنـي أهملـك ؟؟

واسمحي لي راح أجاوب لك سؤالكـ في إطار..
الصراحه.. وادري إنّ آخر كلامـي يزعلـك

ذيك بنت ٍ من غلاهـا عاملـه فينـي حصـار
وين ما وجهت نبضـي لجلهـا قلبـي سلـك

ذيك بنت ٍ تزرع البسمات فـي كـل الديـار
تغفـل بطيبـة نواياهـا .. ولا تستغفـلـك

ذيك يوم إنك تركتينـي علـى شبـه انهيـار
جتني وطرت بهواهـا للسمـا وابعـد فلـك

ذيك يوم آكلمك وابقى على الخـط انتظـار
حطت الدنيا انتظار وجت تقول: اشتقت لـك

ذيك غيم وصالها ما شـح فـي ليـل ونهـار
وانتي ياخذك التغلـي للغيـاب و يشغلـك !!

ذيك يوم إني –أموّل- لك تفاصيلـي دمـاااار
جت تغني: (الماضي لك/ وبكره لك/ وبعده لك)

وعن جمال أوصافها خايف يصيبـك انكسـار
لانها لو تلتفت لـك؟ ضيّعـت مستقبلـك!!

وانصحك من حسنها لايبتـدي قلبـك يغـار
وابعدي عنها تراها "حبه .. حبـه .. تاكلـك"

نور عيني حبّها .. يعنـي لـي أكبـر انتصـار
حزت عرش ٍ من ملوك الأرض ما حازه ملـك

كن قلبي من بعـد مـا حبهـا علّـق شعـار:
" الرجاء الإبتعاد .. القلـب هـذا ممتلـك "

صح لسانج ومن قالها يسلمووووووو

صح بدنج

و من رد عليهاااااااا