الضيقه الي كل ما راحت تعود=مكانها مابين قلبي وصدري

تعبت اقول لضيقتي سهود ومهود=اليا متى هالعذر بيكون عذري
البارحة يوم اكثر العالم رقود=عادت علي الي تجي منين مدري

الضيقه الي كل ما راحت تعود=مكانها مابين قلبي وصدري
ناسٍ تنام مدهنة في دهون عود=وناسٍ تنام مدهنة بزيت مقري

لاوهني الي حلالة من الذود=تسعين وضحى كل ما ضاق يسري
يسج معها كل ما هبت النود=يتبع مسيل السيل في القاع يجري

ماهوب مثلي من اقرب الناس مجحود=الله يسامح من طعني بظهري
من راح ما كنه على القاع موجود=مايدري انه اول اسباب كسري

كل ما طرالي قلت من قلت الفود=ياليت منهو راح معاد يطري
لو تستحي من فعلها ايامي السود=كان استحيت مبطي ولا طال صبري

قدمت بالموجود لخاطر الجود=لين التفت ولابقى شي حدري
عطيت من عمري ولا شفت مردود=ياللأسف للناس ضيعت عمري

واذا فرحوا واجد على طيحت العود=هذا دليل انه فعل شي يغري
بوقف لحالي واتبع الطيب والزود=اشره علي ان صغر الوقت كبري

ماني على بعض المخاليق محدود=اموت ما نزَلت للناس قدري

» صور على ذق بحر قلبي
» ايه يا قلبي ...
» من قلبي
» إلى نبض قلبي
» قلبي الصغيير ..