▒▐◘████▀Ѽ♫♥ طل القمر√ا√ ♥♫Ѽ▄████◘▌▒
عفوا لكنك غير مسجل في هذا المنتدى, يشرفنا ان تكون من احد اعضاء اسرة طل القمر




 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 انا ضاقت بي الدنيا وابي أبقى انا لحالي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غــلا روحــيM
عضو شرف
عضو شرف
avatar


عدد المساهمات : 2455
نقاط : 2806
السٌّمعَة : 0
تاريخ التسجيل : 15/03/2010
العمر : 29
الموقع : $ وسـطــ البحـر وبين قلبها $

مُساهمةموضوع: انا ضاقت بي الدنيا وابي أبقى انا لحالي    الأحد يوليو 04, 2010 12:56 pm



كفاية صار لك شهرين غايب عني يالغالي
كفاية يا أعز الناس ترى والله ما أقدر


دخيلك لا تخيب فيك هقواتي وآمالي
واذنها عالصبر والله وغلاتك عندي راح أصبر


أبتحمل عنا فرقاك وحالي يرثي لحالي
مع اني والله لين اليوم مدري ليش بس تهجر


أبعرف شو السبب أرجوك وش اللي بس يجرالي
اناشسويت يا ربي عشان تثور وتتفجر


انا اولله ما استاهل أبد كل اللي جرالي
أقل ما فيها بس قلي سبب خلاك تتغير


أبعرف بس شالموضوع علامك صرت ما تبالي
بذمت كل اهلك فيوم شفتني بشي انا مقصر


عطيتك قلبي وروحي وهبتك حالي ومالي
حملت احساس هالدنيا عطيته لك وانا افخر


عشقتك عشق لا قبله ولا بعده انعشق تالي
هويتك موت واتخيل الين الموت واتصور


واذا جاني مسج منك مخزن رقمك الغالي
ولا امسح رسالاتك اتم اقراها وافكر


واحلل كل كلمة بالمسج الله يا غربالي
واقول بخاطري معقوله حاسس فيني ويشعر


وأرد أقول لأ يمكن تذكرني وهو سالي
لأني توني مطرش مسج طرش مسج يشكر


وأرد أقول لأ أدري يبيني وحاسس بحالي
وأرد أقول لأ ما اظن على باله انا اخطر


الين اني انا تأكدت قلبه بالفعل خالي
ولا غيري انا فقلبه يحبني موت ويقدّر


لأني مرة من المرات طرت فكرة على بالي
نويت أزعل بدون اسباب واشوفه لو بيتأثر


أبعرف قدري بقلبه بيهمه وضعي الحالي
أو انه رح يطنشني ولا يسأل ويستفسر


وفعلا دق ما جاوبت حرق لي والله جوالي
3000 مرة دق وانا مطنش ولا معبّر


كتبلي بالمسج اطلع انا عند بابك الحالي
قسم بالله ما تطلع لخربها انا واحدر


ومشكلتي أعرفه زين يسويها ولا يبالي
نزلت وخاطره مكسور يقول اشفيك متغير


وقلت له بس أبتأكد اذا قدري معك عالي
ضحكلي وقال لي اتأكدت ودمعه دلل المحجر


وطارت فيني الدنيا لمكاني صاحبي جالي
تعذرلي وانا الغلطان واانا اللي لازم اتعذر


بعدها عشت انا احلى أيام في قربه هنيالي
وصلنا لمرحلة ما نفترق عن بعضنا واكثر


بعدها فجأة خلاني ولا يسأل عن احوالي
وانا في خاطري أدري محال فيوم يتغير


أدق له ما يجاوبني بديت أشك في حالي
أخاف انه حصله شي اخافه بس متكدر


لعب في قلبي الوساس خياله ما تهيالي
حوالي1000 مسج طرشت حبيبي يا عسى ما شر


ولا جاوب وانا قاعد على اعصابي وغربالي
حبيبي صار له اسبوع فيني حتى ما فكر


الين اني عرفت اشلون أخلي خلي الغالي
يكلمني وجت فكرة بعد ما مت وانا افكر


وفعلا اتصل فيني وبدت احزاني واهوالي
وكانت صدمتي كبيرة علي الغالي يتكدر


وكانت صدمتي كبيرة علي الغالي يتغير
سألته قلت له وش فيك ما من شر يالغالي


وش اللي صار بالدنيا علامك ليش متبعثر
او انك يعني ما تدري بدونك صرت انا لحالي


ولا لي خلق أي انسان كثر ما فيك انا افكر
جاوبني وقال ارجوك أبي هالدنيا تصفا لي


انا مليت من وضعي وأشوف الكل متغير
انا ضاقت بي الدنيا وابي أبقى انا لحالي


خلاص اتركني لا تسأل وانا برجع عقب اشهر
وقلت له مو علي تكذب أعرفك تضعف قبالي


تكلم قول شالموضوع بدى قلبي يدق أكثر
سكت لحظة وقال أرجوك ابعد عني يالغالي


وخلني أذكرك بالخير وانت مثلي اتذكر
ولا تطرش مسج واحد ولاتدق لي أبد تالي


واذا لي خاطر عندك لا تتكلم أبد سكر
قلت له والله ما سكر الين تقول وتصفا لي


قال لي والله ما اتكلم ولو تبكي دمع أحمر
ولكن شوف ربعك وانت تعرف بس وش جالي


خلاص افهمها عالطاير لا تحرجني بعد اكثر
وسكر والدمع فيني على الخدين همالي


قسم بالله ما ادري علامه قلبه تحجر
فؤادي انهار وانا حملي يهد جبال وجبالي


في لحظة صارت الدنيا في عيني هالكبر واصغر
حسافة ما توقعته يصدق فيني عذالي


حسافة ما هقيته يوم يصد عني ويتغير
بعدها صار لي ما صار وربي يعلم بحالي


فؤادي باقي بس شوي واحسه من الجسم يظهر
بديت اعرق مدري ليش وخابت كل آمالي


انا توقعت كل الناس ولا توقعت هو ينكر
وقلت بخاطري خله مصيره يرجع الغالي


أكيد انه سمع أي شي وجوّه صار متعكر
ولكن طول غيابه وزادت فيني علالي


مرض قلبي تعب فكري واحسه جسمي متخدر
وقلت خلني اطرشله مسج وأشكي له احوالي


وطرشت المسج وشوي دق لي ودون ما افكر
هلا والله يا اغلى الناس هلا والله بالغالي


ألو طارق ما قلت لك لا تذكرني أو أذكر
أبي بس أذكرك بالخير ياخي خلني في حالي


وقلت وخاطري مكسور انا اسف وما كرر
قسم بالله لين اليوم حالي يرثي لحالي


قسم بالله لين اليوم ولا ادري ليش هو تغير
قسم بالله ما غضت عيوني ولا هدى بالي


قسم بالله ما مر يوم إلا وفيه انا افكر
قسم بالله قلت بنساه بس طيفه يتهيالي


قسم بالله لو حالوت انا انساه اتذكر
الين اليوم انا عندي أمل يرجع ويصفالي


أقول الشوق بي رده على فرقاي ما يقدر
إلين اليوم و ضحكاته وبسماته على بالي


الين اليوم ما أرقد كثر ما فيه انا افكر
أبعرف شو السبب ارجوك وشللي بس يجرالي


اناشسويت يا ربي عشان تثور وتتفجر
انا اولله ما استاهل أبد كل اللي جرالي


أقل ما فيها بس قلي سبب خلاك تتغير
أبعرف بس شالموضوع علامك صرت ما تبالي


بذمت كل اهلك فيوم شفتني بشي انا مقصر
انا رح انتظر ردك ولو حتى بمسج خالي

واذا ما جاني منك رد وغلاتك عندي راح اصبر
سنة سنتين اللي يهم أشوفك ثاني قبالي

3 سنين او أربع أبصبر يعني راح أصبر
ولكن حكم احساسك وجاوب يا أغلى كل غالي

بذمة والديك يهون تنساني ولا تذكر
يهون انك تخليني ولا تسأل ولا تبالي

يهون انك تنام اللي وتتركني انا أسهر
كفاية صار لك شهرين غايب عني يالغالي

كفاية يا أعز الناس ترى والله ما اقدر
دخيلك لا تخيب فيك هقواتي وآمالي

واذنها عالصبر والله وغلاتك عندي راح أصبر





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.youtube.com/watch?v=t01zO1YVcJ8
To0oJaN
مشرفة
مشرفة
avatar


عدد المساهمات : 3471
نقاط : 3651
السٌّمعَة : 0
تاريخ التسجيل : 07/02/2010
العمر : 28
الموقع : بقــلبـهآ (كــويـتيـهـ)

مُساهمةموضوع: رد: انا ضاقت بي الدنيا وابي أبقى انا لحالي    الثلاثاء أغسطس 10, 2010 9:24 pm

يــمآاإاي جبتيها عالجرح



لوووووووووووووووووووووووول

يـــالله ربي يعين سبحآنهـ في كليمآت متشابه في خفوقي


تسلمين الغلا ,,,


[center]



ًًٌٌُُ الــتــــوقـــــيـــعــــ ًًٌَُُ

















[/center]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kw-sf.com
غــلا روحــيM
عضو شرف
عضو شرف
avatar


عدد المساهمات : 2455
نقاط : 2806
السٌّمعَة : 0
تاريخ التسجيل : 15/03/2010
العمر : 29
الموقع : $ وسـطــ البحـر وبين قلبها $

مُساهمةموضوع: رد: انا ضاقت بي الدنيا وابي أبقى انا لحالي    الأحد أغسطس 15, 2010 1:55 am

To0oJaN كتب:
يــمآاإاي جبتيها عالجرح
عسى قلبج خالي من الجروح


لوووووووووووووووووووووووول

يـــالله ربي يعين سبحآنهـ في كليمآت متشابه في خفوقي


تسلمين الغل
الله يسلمج من كل شرا

,,,
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.youtube.com/watch?v=t01zO1YVcJ8
 
انا ضاقت بي الدنيا وابي أبقى انا لحالي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
▒▐◘████▀Ѽ♫♥ طل القمر√ا√ ♥♫Ѽ▄████◘▌▒ :: ஹஇ ஹஇ الشعر والخواطرஹஇ ஹஇ :: الشعر والخواطر-
انتقل الى: