الله اقوى يا نصيبي ..

الله أقوى يانصيبي و أنا وش بيدي
كل ماعدلت واحد يميل الثاني

ولعوني بالهوى من نهار العيـدي
وعادة الأعياد تلعب على الشباني

قيدوني يالله أنك اتبطل قيدي
من يحل القيد ومن يرضي الزعلاني

من عثر حظه يصير القريب بعيدي
والصديق اللي نبي يستوي قوماني

ليش ماتشفق على عشرتي ياسيدي
ابو شامه لا تشمّت بي العدواني

ماهقيت انه بعد ما يطب البيدي
لية ٍ فاتت جرحني ولا داواني

مانفع به كثرة العلم والترديدي
جادل ٍ ماشي على الكبر والطغياني